სამცხე-ჯავახეთის სახელმწიფო უნივერსიტეტის აფხაზურმა ცენტრმა „მესხი ახალგაზრდები ერთობისათვის“ აფხაზეთობისადმი მიძღვნილი კვირეული მრავალფეროვანი და საინტერესო პროგრამებით აღნიშნა. ახალგაზრდებმა აფხაზური ცენტრის ბიბლიოთეკიდან წიგნების პრეზენტაცია გამართეს, ახალციხის ციხეზე გამართულ სხვადასხვა ღონისძიებას შეუერთდნენ. მათ შორის ბასიანის ბრძოლის მოდელირებაში მიიღეს მონაწილეობა. კვირეულის ფარგლებში გაიხსნა აფხაზური ცენტრის კინოკლუბი. მოეწყო აფხაზეთიდან დევნილი სტუდენტის ცოტნე თოდუას ნახატების გამოფენა. აფხაზური ცენტრის ორგანიზებით ჩატარდა სამეცნიერო კონფერენცია, გაიმართა მესხეთის უნივერსიტეტის კონცერტი და სტუდენტური ფლეშმობი. სამცხე-ჯავახეთში არსებული აფხაზური ცენტრის მხარდასაჭერად ახალციხეში საოგადოებრივი მოძრაობა სამოქალაქო თანხმობის დამფუძნებელი შმაგი სამხარაძე და აფხაზეთის საინფორმაციო ანალიტიკური ცენტრის ვლოგერები მილენა აჟიბა და ნინო პაპავა იმყოფებოდნენ.