წმინდა გიორგის სახელობის ილორის საკვირაო სკოლის დევნილ ახალგაზრდებს გურამ ოდიშარია ეწვია.

მწერალი მოზარდებს წიგნიერებასა და შემოქმედებით აზროვნებაზე გაესაუბრა.

შეხვედრის მსვლელობისას გურამ ოდიშარიამ განსაკუთრებული სითბოთი გაიხსენა აფხაზეთი. გულწრფელი ნოსტალგიით აღწერა იქ გატარებული დრო, ყოველდღიური ცხოვრების სურნელი, ადამიანები, მეგობრები და ეპიზოდები, რომლებმაც მის შემოქმედებას საფუძველი ჩაუყარა.

ღონისძიების დასასრულს გურამ ოდიშარიამ მოზარდებს საჩუქრად მისივე ხელმოწერით საავტორო წიგნი, „სალამია“ გადასცა.

ღონისძიება აფხაზეთის ა/რ იუსტიციისა და სამოქალაქო ინტეგრაციის სამინისტროს ორგანიზებით გაიმართა.