გიორგი ჯინჭარაძე საქართველოში იტალიის რესპუბლიკის საგანგებო და სრულუფლებიან ელჩს შეხვდა.

აფხაზეთის ავტონომიური რესპუბლიკის მთავრობის თავმჯდომარემ მასიმილიანო დ’ანტუონოს აფხაზეთის მთავრობის საქმიანობის ძირითადი პრიორიტეტები და სამომავლო ხედვები გააცნო.

ყურადღება გამახვილდა ოკუპირებულ აფხაზეთში არსებულ ამჟამინდელ მდგომარეობაზე, როგორც ჰუმანიტარული და საგანმანათლებლო, ასევე, ადამიანთა ფუნდამენტური უფლებების სისტემატური დარღვევის ფაქტებზე.

მასიმილიანო დ’ანტუონომ კიდევ ერთხელ დაადასტურა იტალიის მთავრობის მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ.