აფხაზეთის მთავრობის თავმჯდომარის გადაწყვეტილებით, აფხაზეთიდან დევნილ I ჯგუფის შეზღუდული შესაძლებლობის მქონე ვეტერანებს, ერთჯერადი ფინანსური დახმარება გაეწევათ.

გიორგი ჯინჭარაძემ აღნიშნული გადაწყვეტილების შესახებ ვალერი არქანიას სახელობის დარბაზში გამართულ შეხვედრაზე განაცხადა.

ღონისძიებას ვეტერანების საქმეთა სახელმწიფო სამსახურის დირექტორი კობა კობალაძე და აფხაზეთის მთავრობის თავმჯდომარის მოადგილე, აფხაზეთის მეომართა კავშირის თავმჯდომარე ანზორ მარგიანი, აფხაზეთის მთავრობის წევრები, ვეტერანების საქმეთა სახელმწიფო სამსახურის და აფხაზეთის მეომართა კავშირის წარმომადგენლები ესწრებოდნენ.