მასწავლებლის საერთაშორისო დღესთან დაკავშირებით, აფხაზეთის ავტონომიური რესპუბლიკის განათლებისა და კულტურის სამინისტროში აფხაზეთის ღვაწლმოსილი პედაგოგები და წლის საუკეთესო მასწავლებლები დაჯილდოვდნენ.

ღონისძიებაზე აფხაზეთის მთავრობის თავმჯდომარემ გიორგი ჯინჭარაძემ, უმაღლესი საბჭოს თავმჯდომარესა და მინისტრთან ერთად პედაგოგებს მასწავლებლის დღე მიულოცა და ხანგრძლივი და ნაყოფიერი საქმიანობისთვის მადლობა გადაუხადა.

დევნილმა მასწავლებლებმა საქართველოს განათლების სამინისტროსგან სპეციალური მადლობის სერტიფიკატები მიიღეს.