საქართველოს ეროვნული ოლიმპიური კომიტეტის მუზეუმში ვიქტორ სანეევის 80 წლის იუბილესადმი მიძღვნილი საღამო გაიმართა.

წარმოდგენილი იყო რეჟისორ გოგი თორაძის დოკუმენტური ფილმი „სოხუმი-თბილისი-სიდნეი“, რომელიც ლეგენდარული მძლეოსნის ცხოვრების გზას ასახავს.

ღონისძიებაზე მოწვეულმა სტუმრებმა გაიხსენეს ვიქტორ სანეევის მიერ განვლილი სპორტული გზა და ისაუბრეს ლეგენდარული მძლეოსნის მიღწევების მნიშვნელობაზე.

ვიქტორ სანეევის ხსოვნის უკვდავსაყოფად, ვაკეში, მისი საცხოვრებელი სახლის წინ მემორიალური დაფა გაიხსნა.