"დღეს უმძიმესი დღეა, გაგრის დაცემის დღე, რამაც აფხაზი და ქართველი ხალხის დროებით გახლეჩვა გამოიწვია" - განაცხადა გიორგი ჯინჭარაძემ გაგრის დაცემის დღესთან დაკავშირებით.

აფხაზეთის ავტონომიური რესპუბლიკის მთავრობის თავმჯდომარე აფხაზეთის უმაღლესი საბჭოს თავმჯდომარე ჯემალ გამახარიასთან და ვეტერანთა საქმეთა სახელმწიფო სამსახურის დირექტორის მოადგილე ჯანდრი უბირიასთან ერთად, გაგრის ტრაგიკული მოვლენების დროს დაღუპულთა ხსოვნას პატივი მიაგო და გმირთა მემორიალი გვირგვინით შეამკო.