სოხუმის დაცემის დღესთან დაკავშირებით ახალგაზრდა მწერლების წიგნების — „ენგურის ორი ნაპირი“ და „აფხაზეთის აზნაურთა საგვარეულოები“ პრეზენტაცია გაიმართა.

წიგნები მოგვითხრობს აფხაზეთში მოგზაურობის გამოცდილებასა და ოკუპირებულ ტერიტორიაზე დღეს არსებულ რეალობაზე, ასევე ასახავს აფხაზეთის ათი აზნაურის საგვარეულოს ისტორიას.

ახალგაზრდა მწერლების საღამოს აფხაზეთის უმაღლესი საბჭოს თავმჯდომარე ჯემალ გამახარია, დეპუტატები და აფხაზეთიდან დევნილი საზოგადოება დაესწრო.