„ჩვენს გმირებს ჰქონდათ ოცნება, რომ ეცხოვრათ ერთიან საქართველოში. დარწმუნებული ვარ ეს ოცნება აგვისრულდება“ - ლიკა შარტავა ჟიული შარტავას შვილიშვილი.

1993 წლის 27 სექტემბერს, სოხუმის დაცემის დღეს რუსმა ოკუპანტებმა და აფხაზმა სეპარატისტებმა აფხაზეთის უზენაესი საბჭოს თავმჯდომარე ჟიული შარტავა, გურამ გაბისკირია და რაულ ეშბა, რომლებმაც ქალაქის დატოვებაზე უარი თქვეს, მთავრობის სახლის წინ 30-მდე ქართველთან ერთად დახვრიტეს, ალექსანდრე ბერულავა კი უგზო-უკვლოდ დაიკარგა.