„ჩვენი ვალია გვახსოვდეს ჩვენი გმირების ისტორია. მათი ოცნება ერთიან საქართველოზე აუცილებლად ახდება. ენგურის ხიდი, რომელიც დღეს გამოგონილ საზღვრად არის ქცეული, გაერთიანებული საქართველოს სიმბოლო იქნება. მჯერა და მწამს, რომ თითოეული დევნილი, მათ შორის მეც აუცილებლად დავბრუნდებით ჩვენს მიწა-წყალზე“.

აფხაზეთის ა/რ მთავრობის თავმჯდომარის, გიორგი ჯინჭარაძის კომენტარი სოხუმის დაცემის დღესთან დაკავშირებით.

შეგახსენებთ, რომ 27 სექტემბერი სოხუმის დაცემის დღეა.

სამხედრო დაპირისპირება 1992 წლის 14 აგვისტოს დაიწყო.

 

კონფლიქტი ქართულ სამთავრობო ჯარებსა და სეპარატისტებს შორის 13 თვესა და 13 დღეს გაგრძელდა და 1993 წლის 27 სექტემბერს, სოხუმის დაცემით დასრულდა.