სოხუმის სახელმწიფო უნივერსიტეტში ახალი სასწავლო წელი დაიწყო.

ღონისძიებაზე აფხაზეთის ა/რ მთავრობისა და უმაღლესი საბჭოს წევრები იმყოფებოდნენ. მათ სტუდენტებსა და აკადემიურ პერსონალს ახალი სასწავლო წლის დაწყება მიულოცეს და წარმატებები უსურვეს.

როგორც საზეიმო ღონისძიებაზე აღინიშნა, სოხუმის სახელმწიფო უნივერსიტეტი უკვე მრავალი წელია, ქვეყნის საგანმანათლებლო და კულტურული ცხოვრების განუყოფელი ნაწილია, რომელიც განსაკუთრებულ მისიას ასრულებს ქართულ-აფხაზური ურთიერთობების გაღრმავებაში.

ღონისძების ბოლოს სოხუმის უნივერსიტეტის რექტორმა აფხაზეთის მთავრობის წევრებს და მოწვეულ სტუმრებს თანამშრომლობისთვის მადლობა გადაუხადა და სიმბოლური საჩუქრები გადასცა.