ზუგდიდში ქართულ-აფხაზური ურთიერთობების ფესტივალი, „ხიდი 2025“ -ის დასკვნითი ღონისძიება გაიმართა, რომლის მიზანი ქართულ-აფხაზური ურთიერთობების აღდგენა და გაღრმავება იყო.

პროექტის შემაჯამებელი ღონისძიება მოსწავლე ახალგაზრდობის სასახლეში ჩატარდა, სადაც აფხაზეთიდან დევნილი მხატვრების ნამუშევრების გამოფენა მოეწყო.

მოწვეულმა პოეტებმა წაიკითხეს ლექსები, სკოლის მოსწავლეებმა კი საღამო სიმღერებით და ქართული ტრადიციული ცეკვებით გააფორმეს.

დასკვნით ღონისძიებას აფხაზეთის ავტონომიური რესპუბლიკის აფხაზეთის ა/რ მთავრობის თავმჯდომარის მოადგილე ანზორ მარგიანი, იძულებით გადაადგილებულ პირთა მინისტრი დავით ფაცაცია და სამეგრელო-ზემო სვანეთის სახელმწიფო რწმუნებული დავით ვერავა ესწრებოდნენ.

ხუთდღიანი ფესტივალი აფხაზეთის ა/რ იძულებით გადაადგილებულ პირთა სამინისტროს, მომსახურების სააგენტოს მხარდაჭერით განხორციელდა.