ვალერი არქანიას სახელობის საგამოფენო დარბაზში პროექტ „შემოქმედებითი ზაფხულის“ ფარგლებში შექმნილი აფხაზური თემატიკის ნამუშევრების გამოფენა გაიმართა, რომელიც აფხაზეთის კულტურის, სპორტისა და ახალგაზრდულ საქმეთა სააგენტოს ორგანიზებით განხორციელდა.

გამოფენაზე წარმოდგენილი იყო დევნილი ახალგაზრდების მიერ შექმნილი ნამუშევრები. დაინტერესებული პირებისთვის ჩატარდა კალიგრაფიისა და კერამიკის მასტერკლასები.

აფხაზეთის ა/რ განათლებისა და კულტურის მინისტრმა ბექა ღვაჩლიანმა და სააგენტოს დირექტორმა ავთანდილ ძაგანიამ პროექტის მონაწილე დევნილ ახალგაზრდებს სერტიფიკატები და სპეციალური საჩუქრები გადასცეს და შემოქმედებით საქმიანობაში წარმატებები უსურვეს.