სოხუმის სანაპიროსთან ახლოს კანალიზაციის მილი გასკდა.

მოსახლეობას ზღვაში შესვლისგან თავის შეკავებას ურჩევენ. ქალაქის ე.წ ადმინისტრაცია მოსახლეობასა და სტუმრებს აფრთხილებს, რომ არსებობს რისკი, ნარჩენი წყლები შავი ზღვის აკვატორიაში მოხვდეს.

ამის გამო მოქალაქეებს ურჩევენ, უახლოეს დღეებში ცურვისგან და ზღვაში შესვლისგან თავი შეიკავონ.

შემთხვევის ადგილზე უკვე მუშაობენ სპეციალისტები. მიმდინარეობს ავარიის ლიკვიდაციის სამუშაოები და შემთხვევის გამომწვევი მიზეზების დადგენა.