ზუგდიდში დადიანების სასახლის ეზოში,ზუგდიდის საპატიო მოქალაქეებისა და საპატიო ზუგდიდელების დაჯილდოების ცერემონიალი გაიმართა.  

ქალაქისთვის  განსაკუთრებული ღვაწლისთვის სხვადასხვა სფეროში მოღვაწე 10 ადამიანი დაჯილდოვდა, მათ შორის ორი აფხაზეთიდან დევნილი გური ოტობაია და თენგიზ ხარებავა.

დაჯილდოების ცერემონიალს ადგილობრივი ხელისუფლების წარმომადგენლებთან ერთად  აფხაზეთის ა/რ მთავრობის თავმჯდომარე  ესწრებოდა.

როგორც გიორგი ჯინჭარაძემ აღნიშნა ზუგდიდელებმა კიდევ ერთხელ გამოხატეს სიყვარული და პატივისცემა დევნილი საზოგადოების მიმართ და სწორედ ასეთი მაგალითები აძლიერებს ქვეყნის ერთობას.

დაჯილდოების ცერემონიალს ოვაციების გარეშე არ ჩაუვლია. განსაკუთრებულ აპლოდისმენტები  ზუგდიდელი მეეზოვის, ვალერი ბარაბაშის საპატიო ზუგდიდელის ნომინირებაზე წარდგენას მოჰყვა. ვალერი ბარაბაში უკვე 40 წელია ერთგულად ემსახურება ქალაქს და ზუგდიდის სისუფთავზე ზრუნავს. მისი წარდგენა ჯილდოზე ზუგდიდის მუნიციპალიტეტის მერობის კანდიდატის დავით კოდუას ინიციატივა იყო.