აფხაზეთის ა/რ მთავრობის თავმჯდომარე გიორგი ჯინჭარაძე ზესტაფონის მერობის კანდიდატ ვახთან ღამბაშიძესთან ერთად ზესტაფონში რუსთაველის ქუჩაზე მცხოვრებ დევნილ მოსახლეობას შეხვდა.

გიორგი ჯინჭარაძე დეტალურად გაეცნო კომპაქტურ ჩასახლებაში არსებულ პრობლემებს და დევნილ მოსახლეობას სამომავლო გეგმები გააცნო.

როგორც მთავრობის თავმჯდომარემ აღნიშნა დევნილთა კომპაქტურ ჩასახლებებში არსებული პრობლემების მოგვარების სწრაფი და ეფექტური რეაგირების მიზნით უახლოეს დღეებში გაფართოებულ სამუშაო შეხვედრას გამართავს, სადაც ადგილობრივი ხელისუფლების წარმომადგენლებთან ერთად, საქართველოს მასშტაბით ყველა კომპაქტურ ჩასახლებაში არსებულ პრობლემებს დეტალურად განიხილავს და მათი გადაჭრის ეფექტურ გზებზე იმსჯელებს.