სოხუმის გიორგი რატიანის სახელობის მოზარდ მაყურებელთა პროფესიული სახელმწიფო თეატრი საერთაშორისო თეატრალურ ფესტივალ „BIKEN FEST“-ში მიიღებს მონაწილეობას.

ფესტივალი ყაზახეთის ქალაქ თალდიყორღანში გაიმართება და მოზარდ მაყურებელთა თეატრი 16 სექტემბერს მაყურებლის წინაშე სპექტაკლ "რომეო და ჯულიეტა“-თი წარსდგება.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ ბექა ღვაჩლიანთან ერთად, სპექტაკლის რეპეტიციას დაესწრო.

მთავრობის თავმჯდომარემ დასის წევრებს ფესტივალზე წარმატება უსურვა და ქართულ-აფხაზური კულტურის პოპულარიზაციის საქმეში სოხუმის მოზარდ მაყურებელთა თეატრის მნიშვნელოვან როლზე ისაუბრა.

თეატრი საერთაშორისო ფესტივალზე საქართველოს კულტურის სამინისტროს ფინანსური მხარდაჭერით მონაწილეობს.