აფხაზეთის ა/რ მთავრობის თავმჯდომარე გიორგი ჯინჭარაძე, ზუგდიდში, აფხაზეთის მთავრობის წევრებთან და ადგილობრივი ხელისუფლების წარმომადგენლებთან ერთად დადიანის ქუჩაზე მდებარე, დევნილთა დასახლებაში მცხოვრებ აფხაზეთიდან დევნილ მოსახლეობას შეხვდა.

მთავრობის თავმჯდომარე ადგილზევე გაეცნო დევნილთა საჭიროებებს და დადევნილ მოსახლეობას აფხაზეთის მთავრობის პროგრამები და სამომავლო გეგმები გააცნო.

"ჩვენი მთავრობის ერთ-ერთი უმთავრესი ამოცანაა, თითოეულ აფხაზეთიდან დევნილ ოჯახს მივცეთ ღირსეული ცხოვრების შესაძლებლობა და ამ პროცესში ჩვენთან ერთად აქტიურ მხარდაჭერას გვიცხადებს ადგილობრივი ხელისუფლება“ - აღნიშნა გიორგი ჯინჭარაძემ.