აფხაზეთის საჯარო სკოლებში სწავლებისა და ინფრასტრუქტურის გაუმჯობესება ერთ-ერთ მთავარ პრიორიტეტად რჩება.

პროცესის გასაცნობად და პედაგოგებთან შესახვედრად ქუთაისში იმყოფებოდნენ აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე და განათლებისა და კულტურის მინისტრი ბექა ღვაჩლიანი.

სტუმრებმა დაათვალიერეს აფხაზეთის მე-5 და მე-6 საჯარო სკოლების სასწავლო გარემო, გაეცნენ ინფრასტრუქტურულ მდგომარეობას და ისაუბრეს როგორც არსებული გამოწვევების, ისე სამომავლო პროექტების შესახებ.

შეხვედრებს აფხაზეთის საჯარო სკოლების დირექტორები და პედაგოგები ესწრებოდნენ.