აფხაზეთიდან დევნილ 100-მდე ახალგაზრდას შაორის ახალგაზრდულმა ბანაკმა უმასპინძლა.

პროექტი აფხაზეთის ავტონომიური რესპუბლიკის მთავრობის, აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებითა და საქართველოს ახალგაზრდობის სააგენტოს მხარდაჭერით გაიმართა.

მონაწილეები ხუთდღიანი პროგრამის ფარგლებში ჩაერთნენ მრავალფეროვან საგანმანათლებლო, სპორტულ და შემეცნებით აქტივობებში, რაც ხელს უწყობს მათი ფიზიკური, ინტელექტუალური და სოციალური უნარების განვითარებას.