საქართველოს უახლეს ისტორიაში ერთ-ერთი ყველაზე მძიმე და ტრაგიკული მოვლენიდან, 2008 წლის რუსეთ-საქართველოს აგვისტოს ომიდან - 17 წელი გავიდა.

მუხათგვერდის ძმათა სასაფლაოზე გმირების ხსოვნას პატივი საქართველოს პრეზიდენტმა მიხეილ ყაველაშვილმა და პრემიერ-მინისტრმა ირაკლი კობახიძემ მთავრობის წევრებთან და პარლამენტის დეპუტატებთან ერთად მიაგეს.

მუხათგვერდის ძმათა სასაფლაოზე დილიდან იმყოფებოდა აფხაზეთის ა/რ მთავრობის თავმჯდომარე გიორგი ჯინჭარაძე, აფხაზეთის მთავრობის წევრები, უმაღლესი საბჭოს თავმჯომარე ჯემალ გამახარია და უმაღლესი საბჭოს დეპუტატები.

როგორც აფხაზეთის მთავრობის თავმჯდომარემ გიორგი ჯინჭარაძემ აღნიშნა, საქართველოს მთავრობის სწორი, თანმიმდევრული  სამშვიდობო პოლიტიკით საქართველო აუცილებლად იქნება ერთიანი.