ძლიერი წვიმის გამო მდინარე ფსოუ კალაპოტიდან გადმოვიდა, ასევე რიწის პარკში, მე-13 კილომეტრზე, ცისფერი ტბის რაიონში ღვარცოფი ჩამოწვა. დინებამ წაიღო ავტომობილი, გაანადგურა ხიდი და გზა. მონაკვეთზე მოძრაობა დროებით შეზღუდულია. დაზიანებულია პარკის ინფრასტრუქტურა. ადგილზე მუშაობენ პარკის თანამშრომლები და ე.წ საგანგებო სამსახურები.

სტიქიაა გაგრაშიც, დატბორილია გზები და სოფლები. სტიქიის შედეგად კომუნიკაცია ვერ მყარდება ოკუპირებულ აფსარისა და აუადჰარას ტერიტორიაზე, სადაც ბანაკი მდებარეობს. დაშავებულების შესახებ ინფორმაცია ჯერჯერობით არ ვრცელდება.