თურქეთში, კუნძულ ქინალიადაზე საერთაშორისო ბანაკმა აფხაზეთიდან დევნილ ახალგაზრდებს უმასპინძლა.

მოზარდები ორი კვირის განმავლობაში მრავალფეროვან კულტურულ-შემეცნებით და გასართობ ღონისძიებებში მონაწილეობდნენ.

ბანაკის დასკვნით ღონისძიებაზე მონაწილეებს აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთიდან იძულებით გადაადგილებულ პირთა მინისტრი დავით ფაცაცია შეხვდნენ.

დევნილი ახალგაზრდებისთვის საერთაშორისო ბანაკები აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით, მსოფლიო საპატრიარქოს და „მეტრო ავრასია ინვესთმენთ ჯორჯიას“ ფინანსური მხარდაჭერით ხორციელდება.