აფხაზეთის მთავრობა მის დაქვემდებარებაში მყოფი პოლიკლინიკების მონიტორინგს აგრძელებს.

აფხაზეთის ა/რ მთავრობის თავმჯდომარე გიორგი ჯინჭარაძე სამედიცინო ცენტრ "დიომედის“ წყალტუბოს ფილიალს ეწვია, სადაც პოლიკლინიკის ხელმძღვანელობასა და მედპერსონალს შეხვდა.

შეხვედრაზე მთავრობის თავმჯდომარე აფხაზეთის ჯანდაცვის მინისტრის მოვალეობის შემსრულებელთან ერთად იმყოფებოდა.

პოლიკლინიკაში არსებულ მდგომარეობას პირადად გაეცნო და ჯანდაცვის სერვისების განვითარებისა და სამედიცინო დაწესებულებების მატერიალურ-ტექნიკური ბაზის განახლებაზე ისაუბრა, რაც დევნილი ბენეფიციარებისთვის მომსახურების ხარისხის გაუმჯობესებას და სათანადო პირობების შექმნას უზრუნველყოფს.