აფხაზეთის ა/რ მთავრობის თავმჯდომარე გიორგი ჯინჭარაძემ, იმერეთის რწმუნებულის ადმინისტრაციაში, იმერეთის მხარის სახელმწიფო რწმუნებულ ლევან ზალკალიანთან და მუნიციპალიტეტების მერებთან სამუშაო შეხვედრა გამართა.

ღონისძიებაზე იმერეთის რეგიონში მცხოვრები აფხაზეთიდან იძულებით გადაადგილებული მოსახლეობის საჭიროებები განიხილეს და მათი სოციალურ-ეკონომიკური მდგომარეობის გასაუმჯობესებლად, ადგილობრივი ხელსუფლების ჩართულობით, ერთობლივად განსახორციელებელ ღონისძიებებზე იმსჯელეს.