სოხუმის სახელმწიფო უნივერსიტეტსა და საქართველოს სახალხო დამცველის აპარატს შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს უნივერსიტეტის რექტორმა ზურაბ ხონელიძემ და სახალხო დამცველმა ლევან იოსელიანმა.

აღნიშნული მემორანდუმი ითვალისწინებს სოხუმის სახელმწიფო უნივერსიტეტის სამართლის ფაკულტეტის სტუდენტებისთვის პრაქტიკული უნარების განვითარების ხელშეწყობას, ასევე საერთო ინტერესის სფეროში შემავალი საკითხების კვლევას და სასწავლო-საგანმანათლებლო პროექტების განხორციელებას.

შეგახსენებთ, ეს არის პირველი ურთიერთთანამშრომლობის მემორანდუმი, რომელიც სახალხო დამცველის აპარატმა საუნივერსიტეტო სივრცესთან გააფორმა.