ჭავჭავაძის გამზირზე, აფხაზეთიდან დევნილი მეწარმეების პროდუქციის გამოფენა-გაყიდვა გაიმართა, რომელსაც გიორგი ჯინჭარაძე საქართველოს პარლამენტის ვიცე-სპიკერი გიორგი ვოლსკისთან ერთად დაესწრო.

აფხაზეთის ავტონომიური რესპუბლიკის მთავრობის თავმჯდომარემ სტუმრებთან ერთად გამოფენილი პროდუქცია დაათვალიერა, მეწარმეებს გაესაუბრა და ღონისძიების მხარდამჭერებს მადლობა გადახადა.

გამოფენის ფარგლებში წარმოდგენილი იყო დევნილი ქალი მეწარმეების ხელნაკეთი ნამუშევრები, მათ შორის, სამკაულები, ნაქსოვი სათამაშოები, ტექსტილის პროდუქცია, კერამიკული ნაწარმი, ასევე სასურსათო პროდუქცია.