აფხაზეთის ა/რ მთავრობის თავმჯდომარე გიორგი ჯინჭარაძე აფხაზეთის განათლებისა და კულტურის მინისტრ ბექა ღვაჩლიანთან ერთად, ვოვა ვეკუას სახელობის აფხაზეთის №3 საჯარო სკოლას ესტუმრა.

 მთავრობის თავმჯდომარემ მომავალი თაობების აღზრდის საქმეში შეტანილი წვლილისთვის და საკუთარი საქმის ერთგულებისთვის პედაგოგებს მადლობა გადაუხადა.

 შეხვედრის ფარგლებში სკოლაში არსებულ ძირითად გამოწვევებზე, ინფრასტრუქტურულ საჭიროებებსა და მასწავლებელთა პროფესიული განვითარების საკითხებზე ისაუბრეს.

 გიორგი ჯინჭარაძემ აფხაზეთის საჯარო სკოლებში მოსწავლეებისთვის აფხაზური ენის სწავლების შესაძლებლობის მნიშვნელობაზე გაამახვილა ყურადღება და აღნიშნა, რომ ეს საკითხი სახელმწიფოებრივი მნიშვნელობის მატარებელია.

 როგორც შეხვედრაზე ითქვა, აფხაზეთის ავტონომიური რესპუბლიკის მთავრობა განათლების სფეროს გაძლიერებისთვის მუშაობას მომავალშიც გააგრძელებს.