თურქეთის თანამშრომლობისა და კოორდინაციის სააგენტო TIKA-მ ვლადიმერ სანიკიძის სახელობის ვეტერანთა კლინიკურ ჰოსპიტალს მობილური კლინიკა გადასცა.
 
მობილური კლინიკა გულისხმობს სასწრაფო მანქანას, რომელიც მნიშვნელოვნად გაადვილებს რეგიონებში - მით უფრო, მაღალმთიან რაიონებში მცხოვრები ვეტერანებისთვის პირველადი სამედიცინო დახმარების აღმოჩენას.

ვეტერანებს ადგილზე შეეძლებათ მიიღონ მაღალტექნოლოგიური მომსახურება სპეციალისტების დახმარებით.

საზეიმო ღონისძიებას ესწრებოდნენ საქართველოს ჯანდაცვის მინისტრი მიხეილ სარჯველაძე, აფხაზეთის ა/რ მთავრობის თავმჯდომარის მოადგილე, აფხაზეთის მეომართა კავშირის თავმჯდომარე ანზორ მარგიანი, თურქეთის რესპუბლიკის საგანგებო და სრუფლებიანი ელჩი საქართველოოში - ალი ქაან ორბაი და თურქეთის თანამშრომლობისა და კოორდინაციის სააგენტოს პრეზიდენტის მოადგილე ნაჯი იორულმაზი.

შეგახსენებთ, TIKA თუქეთის მთავრობის დაქვემდებარებაში მყოფი  ორგანიზაციაა, რომელიც საქართველოში  30 წელია სხვადასხვა მიმართულებით ახორციელებს ერთობლივ პროექტებს. თურქეთის თანამშრომლობისა და კოორდინაციის სააგენტოსთან ვეტერანების საქმეთა სახელმწიფო სამსახურს მრავალწლიანი , შედეგზე ორიენტირებული ურთიერთობა აკავშირებს.