აფხაზეთის ა/რ მთავრობის თავმჯდომარე გიორგი ჯინჭარაძე აფხაზეთიდან დევნილ ვეტერანებს შეხვდა.

მთავრობის თავმჯდომარემ ქვეყნის წინაშე არსებული დამსახურებისთვის ვეტერანებს მადლობა გადაუხადა და აღნიშნა რომ აფხაზეთის მთავრობა მუდმივად იქნება ვეტერანების გვერდით და მათ საჭიროებებს მაქსიმალური ყურადღებით მოეკიდება.

გიორგი ჯინჭარაძემ აფხაზეთიდან დევნილი ვეტერანების სოციალურ-ეკონომიკური გაძლიერების საკითხებზე ისაუბრა.

შეხვედრის მონაწილეებს გააცნო პროგრამები, რომლებიც აფხაზეთის ა/რ მთავრობის მიერ ხორციელდება და მიმართულია როგორც ჯანდაცვის სერვისებზე ხელმისაწვდომობის გაზრდაზე, ასე ვეტერანების სოციალური მხარდაჭერის უზრუნველსაყოფად.

შეხვედრაზე განიხილეს სამომავლო გეგმები და ინიციატივები, რომლებიც აფხაზეთიდან დევნილი ვეტერანების მხარდაჭერის გაძლიერებასა და მათ საჭიროებებზე მორგებული პოლიტიკის განხორციელებას ისახავს მიზნად.

ღონისძიებას აფხაზეთის ა/რ მთავრობის თავმჯდომარის მოადგილე და აფხაზეთის მეომართა კავშირის თავმჯდომარე ანზორ მარგიანი ესწრებოდა, რომელმაც აფხაზეთიდან დევნილი ვეტერანების წინაშე არსებული პრობლემების გადასაწყვეტად მთავრობასთან კოორდინირებული მუშაობის აუცილებლობას გაუსვა ხაზი.