აფხაზეთიდან დევნილ და ოკუპირებულ ტერიტორიაზე მცხოვრებ ორსულებს ღუდუშაურის სამედიცინო ცენტრში პირველი კონსულტაცია უფასოდ გაეწევათ.

ბენეფიციარები ასევე უფასოდ ჩაერთვებიან "მშობელთა სკოლაში".

აღნიშნულ საკითხებთან დაკავშირებით აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროსა და აკადემიკოს ოთარ ღუდუშაურის სახელობის ეროვნულ სამედიცინო ცენტრს შორის გაფორმებულია ურთიერთთანამშრომლობის მემორანდუმი.

მშობელთა სკოლის პროფესიონალი ტრენერები მომავალ დედებს უწევენ ემოციურ და პრაქტიკულ მხარდაჭერას ორსულობის პერიოდში, მშობიარობისას და ბავშვის დაბადების შემდგომაც.