აფხაზეთის ა/რ უმაღლესმა საბჭომ აზია-ოკეანეთის სავაჭრო-სამრეწველო პალატის კონფედერაციის პრეზიდიუმის წევრი, მალაიზიის სამეფოს საპატიო კონსული საქართველოში ჯემალ ინაიშვილი აფხაზეთის ავტონომიური რესპუბლიკის უმაღლესი საბჭოს მედლით დააჯილდოვა.

როგორც უმაღლესი საბჭოს წარმომადგენლები აცხადებენ, ჯემალ ინაიშვილს დიდი წვლილი მიუძღვის აფხაზეთიდან დევნილი მოსახლეობის პროფესიული მომზადებისა და შემდგომი დასაქმების საქმეში.

დაჯილდოების ცერემონიას უმაღლესი საბჭოს თავმჯდომარის მოადგილე თამაზ ხუბუა, საერთაშორისო კავშირების, განათლებისა და კულტურის საკითხთა კომიტეტის თავმჯდომარის მოადგილემ ზურაბ ჯგუბურიამ, საფინანსო-საბიუჯეტო კომიტეტის თავმჯდომარის მოადგილემ თემურ მჟავიამ და Tbilisi Dry Port-ის თანამშრომლები ესწრებოდნენ.