უმაღლესი საბჭოს პლენარულ სხდომაზე ინტერპელაციის წესით აფხაზეთის ა/რ იუსტიციისა და სამოქალაქო ინტეგრაციის მინისტრს გიორგი ძიგუას მოუსმინეს.

მინისტრმა პასუხი გასცა უმაღლესი საბჭოს წევრების მიერ წინასწარ, წერილობით დასმულ შეკითხვებს, რომლებიც შეეხებოდა საქართველოს პენიტენციურ დაწესებულებებში მყოფი აფხაზეთიდან დევნილი მოქალაქეების მონაცემთა ბაზის, აფხაზეთიდან დევნილი თანამემამულეებისთვის საქართველოს მოქალაქეობის გამარტივებული წესით მინიჭების, მდ. ენგურის ხიდზე მდებარე ე.წ. სასაზღვრო გამშვები პუნქტის გადაკვეთისას არსებული სირთულეების შესახებ და სხვა.

გიორგი ძიგუამ მოკლედ ისაუბრა ოკუპირებული გალის რაიონში შექმნილ მძიმე დემოგრაფიულ და სოციალურ-ეკონომიკურ მდგომარეობაზე.