თბილისში აფხაზეთიდან დევნილი მეწარმეების პროდუქციის გამოფენა-გაყიდვა გაიმართა.სპეციალურად მოწყობილ სივრცეში, 30-ზე მეტმა დევნილმა მეწარმე ქალმა საკუთარი პროდუქცია წარადგინა. მეწარმეებმა დამთვალიერებლებს საკუთარი საქმიანობა გააცნეს. 
გამოფენა-გაყიდვას აფხაზეთის ფინანსთა და ეკონომიკის მინისტრი ლაშა დოლბაძე, პირველი მოადგილე თამარ გელაშვილი, თბილისის საკრებულოს თავმჯდომარის მოადგილე თინათინ ნიბლოშვილი და სავაჭრო-სამრეწველო პალატის პრეზიდენტი გოგიტა თედორაძე ესწრებოდნენ.
ღონისძიება აფხაზეთის ავტონომიური რესპუბლიკის სავაჭრო-სამრეწველო პალატის ორგანიზებითა და თბილისის საკრებულოს მხარდაჭერით გაიმართა.