"წარმატებული ახალგაზრდების მხარდაჭერის პროგრამის" II -ე ეტაპზე განაცხადების მიღება მიმდინარეობს. განაცხადების მიღება აფხაზეთის ა/რ განათლებისა და კულტურის სამინისტროში პირველი მაისიდან დაიწყო და 31 მაისის ჩათვლით გაგრძელდება.

კონკურსში მონაწილობა აფხაზეთიდან დროებით დევნილ განსაკუთრებული მიღწევების სტუდენტებს შეუძლიათ, რომლებიც ავტორიზებული პროფესიული საგანმანათლებლო დაწესებულებების აკრედიტებული პროგრამებზე სწავლობენ. მონაწილეობა შეუძლიათ ასევე ასევე ავტორიზებული უმაღლესი საგანმანათლებლო დაწესებულებების აკრედიტებული პროგრამების ბაკალავრებს, მაგისტრანტებს და ავტორიზებული სამედიცინო/სტომატოლოგიური დაწესებულებების რეზიდენტებს.

დეტალური ინფორმაცია იხილეთ აფხაზეთის ა/რ განათლებისა და კულტურის სამინისტროს ოფიციალურ ვებგვერდზე ან ფეისბუქ გვერდზე, ან დაუკავშირდით აფხაზეთის ა/რ მთავრობის ცხელ ხაზს ნომერზე 143 .