აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი ზუგდიდის ივერიის ღვთისმშობლის ხატის ტაძარში სააღდგომო ლიტურგიას დაესწრო.
საზეიმო წირვა ზუგდიდისა და ცაიშის მიტროპოლიტმა, გერასიმემ (შარაშენიძე) აღავლინა. ტაძარში სამეგრელო-ზემო სვანეთის სახელმწიფო რწმუნებული დავით ვერავა, საქართველოს პარლამენტისა და აფხაზეთის ავტონომიური რესპუბლიკის მთავრობის წევრები, ადგილობრივი ხელისუფლების წარმომადგენლები იმყოფებოდნენ.