აფხაზეთის კულტურის, სპორტის და ახალგაზრდულ საქმეთა სააგენტოს ინიციატივითა და მხარდაჭერით, აფხაზეთიდან დროებით დევნილი განსაკუთრებული საჭიროების მქონე მოზარდები ილია ჭავჭავაძის ლიტერატურულ-მემორიალურ მუზეუმს ეწვივნენ.
მუზეუმის საგანმანათლებლო პროგრამის "თოჯინების ისტორია“ ფარგლებში, ახალგაზრდა მონაწილეებმა თოჯინები საკუთარი ხელით შექმნეს. მოწვეულ სტუმრებს აფხაზეთის ა/რ განათლებისა და კულტურის მინისტრმა ბექა ღვაჩლიანმა და სააგენტოს დირექტორმა ანი კიტიამ ბენეფიციარებს სიმბოლური საჩუქრები გადასცეს.