„ექსტრემ ფესტის“ ორგანიზატორი ეთნიკურად ოსი არსენ მამიტოვია, რომელიც თბილისში საცხოვრებლად დაახლოებით სამი წლის წინ გადმოვიდა.
 ფესტივალი სპორტის სამინისტროსა და საქართველოს სკეიტბორდის ფედერაციის მხარდაჭერით უკვე მესამედ ჩატარდა თბილისში და მასში 80-ზე მეტმა ახალგაზრდამ მიიღო მონაწილეობა.
 სამდღიანმა ასპარეზობამ გამარჯვებულები ბიემიქსის, სკეიტბორდისა და ექსტრემალური სპორტის სხვა კატეგორიაშიც გამოავლინა.
შეჯიბრს, სპეციალურად ფესტივალისთვის, ცხინვალის რეგიონიდან ჩამოსული დევნილი მოზარდებიც ესწრებოდნენ, რომლებმაც დედაენის ბაღში დამონტაჟებული სპეციალური დაფის საშუალებით ოს თანატოლებს სამშვიდობო გზავნილები გაუგზავნეს.