14 აგვისტო საქართველოს უახლესი ისტორიის ერთ-ერთი მძიმე თარიღია. 32 წლის წინ,ამ დღეს აფხაზეთში საომარი მოქმედებები დაიწყო. ათასობით მსხვერპლი,ასეულობით დაკარგული, დევნილად ქცეული 300 000-ზე მეტი ადამიანი, ეთნიკური წმენდა.
13 თვის და 13 დღის განმავლობაში გაგრძელებული საომარი მოქმედებები სოხუმის დაცემითა და რეგიონის დროებითი ოკუპაციით დასრულდა.
ამ თარიღთან დაკავშირებით  აფხაზეთის ავტონომიური რესპუბლიკის მთავრობისა და უმაღლესი საბჭოს წარმომადგენლებმა, ომის ვეტერანებმა თბილისში, ერთიანობისთვის ბრძოლაში დაღუპულ გმირთა მემორიალი გვირგვინებით შეამკეს და პატივი მიაგეს დაღუპულთა ხსოვნას.