აფხაზეთის კულტურის, სპორტის და ახალგაზრდულ საქმეთა სააგენტოს ჟურნალ “რიწის“ სპეციალური, ქართულ-ინგლისურენოვანი გამოცემის პრეზენტაცია გაიმართა.
 ახალი, ორენოვანი ნომერი გამორჩეულია თავისი შინაარსობრივი თუ ვიზუალური თვალსაზრისით და მკვეთრად განსხვავდება დღემდე გამოცემული სხვა ნომრებისგან, როგორც თემატურად, ისე ჟანრობრივად. მასში განთავსებულ მასალათა უმეტესობა კი ექსკლუზიურია. აღნიშნული გამოცემა ითვალისწინებს თანამედროვე, სტანდარტებს, დღევანდელი მკითხველის მოთხოვნას, გემოვნებას, ჟურნალისტიკასა და ლიტერატურაში მიმდინარე ნოვაციებს. „რიწა“ 49-წლიანი ისტორიის მქონე გამოცემაა, მასში შენარჩუნებულია ძველი ტრადიციები, სულისკვეთება და ვიზუალური ელემენტებიც კი, რის გამოც, თანაბრად მისაღები და საინტერესო იქნება როგორც უფროსი თაობის, ისე ლიტერატურის მოყვარული ახალგაზრდა მკითხველისთვის. განახლებული „რიწა“ მეტად საინტერესო რუბრიკების ქვეშ დღესაც აერთიანებს ქართველ და აფხაზ პოეტებს.

იხილეთ ვრცლად: