„რუსეთსა და აფხაზეთს შორის ურთიერთობები აქტიურად ვითარდება, მიმდინარეობს ეროვნული კანონმდებლობის ჰარმონიზაცია“-განაცხადა „რია ნოვოსტისთან “ ინტერვიუში დე ფაქტო აფხაზეთის პრეზიდენტმა ასლან ბჟანიამ, რომელიც პეტერბურგის საერთაშორისო ეკონომიკურ ფორუმში მონაწილეობს.
„ჩვენი ურთიერთობები ხასიათდება განვითარების ძალიან მაღალი დონით, მაგრამ ამავდროულად გვაქვს განვითარების ადგილი. ამჟამად მიმდინარეობს ჩვენი კანონმდებლობის ჰარმონიზაციის პროცესი“, - განაცხადა ე.წ პრეზიდენტმა ასლან ბჟანიამ

 დე ფაქტო პრეზიდენტმა ასევე აღნიშნა, რომ აფხაზეთი თავის ეკონომიკაში რუსულ ინვესტიციებს ელოდება. „ჩვენ ვაძლიერებთ თანამშრომლობას ყველა სფეროში, რა თქმა უნდა, ერთ-ერთი მთავარი სფეროა რუსული კერძო ინვესტიციები აფხაზეთის ეკონომიკაში. ჩვენ გვინდა, რომ რუსული კაპიტალი იყოს აფხაზეთში“-ამბობს დე ფაქტო პრეზიდენტი ასლან ბჟანია