ოკუპირებული ოჩამჩირის რაიონის რამდენიმე სოფელში მოძრაობა შეფერხებულია.

გუშინ, გვიან ღამით, ძლიერმა წვიმამ გამოიწვია წყალდიდობა და დაიტბორა რამდენიმე სოფელი- ინფორმაციას ავრცელებს დე ფაქტო საგანგებო სიტუაციების სამინისტროს პრესსამსახური.

„წყლის დიდმა ნაკადმა დატბორა სოფლის გზა, სასაფლაოები. სოფელ არადუში უამინდობის გამო საცხოვრებელ კორპუსს ხე დაეცა. ამ დროისთვის მსხვერპლის შესახებ ინფორმაცია არ მოიპოვება“ ნათქვამია ე.წ შსს-ს განცხადებაში

შემთხვევის ადგილზე საგანგებო რეჟიმში მუშაობენ მაშველები. ასევე ადგილზე იმყოფება ე.წ საგანგებო სიტუაციების მინისტრი ლევ კვიცინია