აფხაზეთის უკვე ყოფილი დე ფაქტო მინისტრი ინალ არძინბა აცხადებს, რომ ის თანამდებობიდან არ მოუხსნიათ და წასვლის შესახებ გადაწყვეტილება თავად მიიღო. მიზეზად არძინბა სხვა სამსახურში გადასასვლას ასახელებს, თუმცა სად გააგრძელებს საქმიანობას, ამას არ აკონკრეტებს.
  „გადაწყვეტილება დაგეგმილი იყო და ახლა ინალი მოსკოვში იმყოფება".
 ,,დიდი სამუშაოებია ჩატარებული. წინ კიდევ უფრო მეტი მნიშვნელოვანი საქმეა აფხაზეთის რესპუბლიკისა და აფხაზი ხალხის კეთილდღეობისთვის. ჩვენ გადავდგამთ ნაბიჯს მომავლისკენ, ნაბიჯს პროგრესისკენ” - ციტირებს ინალ არძინბას სიტყვებს აფხაზეთის საგარეო საქმეთა დე ფაქტო სამინისტროს მედიაცენტრი.