აფხაზეთის უკვე ყოფილი დე ფაქტო საგარეო საქმეთა მინისტრი ინალ არძინბა სოხუმელია. სკოლის დამთავრების შემდეგ სწავლობდა მოსკოვის ეკონომიკის უმაღლეს სკოლაში.

* არძინბა  2013 წელს რუსეთის დელეგაციას ხელმძღვანელობდა „ახალგაზრდული ოციანის“ სამიტზე სანქტ-პეტერბურგში და „ახალგაზრდული რვიანის“ სამიტზე ლონდონში. 

* 2014 წლიდან არძინბას კარიერა  რუსეთის პრეზიდენტის   ადმინისტრაციაში დაიწყო, სადაც იყო დსთ-ის წევრი ქვეყნების, აფხაზეთისა და „სამხრეთ ოსეთის“ რესპუბლიკებთან სოციალურ-ეკონომიკური თანამშრომლობის სამმართველოს კონსულტანტი , ამის შემდეგ შემდეგ კი - ვლადიმერ სურკოვის პირველი მოადგილე.

* სურკოვთან მუშაობის პერიოდში არძინბას უკრაინის რეგიონების დესტაბილიზაციის პროექტების კურატორობა ევალებოდა. უკრაინაში მას განსაკუთრებით მძიმე დანაშაულებში ედება ბრალი, კერძოდ, უკრაინის სახელმწიფო საზღვრის ცვლილების მცდელობასა და ქვეყნის კონსტიტუციით დადგენილი წესრიგის დარღვევაში. ადმინისტრაციაში არძინბა კურირებდა დონეცკისა და ლუგანსკის თვითგამოცხადებულ რესპუბლიკებთან ურთიერთობას კურირებდა. ამ ყველაფრის გამო უკრაინამ არძინბა საერთაშორისო ძებნილად გამოაცხადა.

*   ინალ არძინბას  რუსეთის ფედერაციის პრეზიდენტის დსთ-ს საქმეთა სამმართველოში მთავარი მრჩევლის თანამდებობა ეკავა.

*  2017 წლის 2 დეკემბერს ვლადიმერ პუტინის  ბრძანებით, რუსეთის ფედერაციის მე-3 კლასის ნამდვილი სახელმწიფო მრჩეველის საკლასო ჩინი მიენიჭა. 

* 2018 წლის 18 ივნისს, არძინბამ 2017 წლის ოქტომბერში სოჭში გამართული მსოფლიო ახალგაზრდობისა და სტუდენტების ფესტივალის ჩატარებაში შეტანილი წვლილისთვის რუსეთის ფედერაციის პრეზიდენტის, ვლადიმერ პუტინსგან საპატიო სიგელი მიიღო.

*აფხაზეთის „რესპუბლიკის“ საგარეო საქმეთა ,,მინისტრად” კი  2021 წლის 18 ნოემბერს დაინიშნა.

* 2022 წლის 27 სექტემბერს  არძინბამ რუსეთის საგარეო საქმეთა მინისტრ სერგეი ლავროვთან ერთად ხელი მოაწერა რუსეთთან  ორმაგი მოქალაქეობის შესახებ შეთანხმებას, რომლის მიხედვითაც აფხაზების რუსეთის მოქალაქეობის მიღებისათვის ე. წ. „აფხაზური პასპორტის“ დათმობა არ მოუწევთ.

*  სწორედ არძიმბამ გამოუცხადა ბრძოლა ისეთ საერთაშორისო ორგანიზაციებს როგორიც USAID და UNDO-ია.

* 2024 წლის 7 მაისს არძინბა დე ფაქტო პრეზიდენტმა ასლან ბჟანიამ თანამდებობიდან გაათავისუფლა. ვრცელდება ინფორმაცია რომ უკვე ყოფილი ,,საგარეო საქმეთა მინისტრი” გამოკითხვაზე იმყოფება და მას აფხაზეთის ტერიტორიის დატოვება ეკრძალება.