ინალ არძინბა აფხაზეთის ,,სახელმწიფო უსაფრთხოების სამსახურში" დაკითხვაზე იმყოფება - ამის შესახებ ინფორმაცია აფხაზურ პორტალებზე ვრცელდება.
როგორც ადგილობრივი ჟურნალისტები წერენ, უკვე ყოფილ საგარეო საქმეთა დე-ფაქტო მინისტრს ერთი კვირაა აფხაზეთის ტერიტორიის დატოვება აკრძალული აქვს. შესაბამის გადაწყვეტილებას ხელს ე.წ ,,პრეზიდენტი" ასლან ბჟანია აწერს. ბჟანიას გადაწყვეტილებითვე ინალ არძინბა თანამდებობიდან დღეს გათავისუფლდა. ,,მინისტრის" მოვალეობას პირველი მოადგილე ირაკლი ტუჟბა ასრულებს.