არასამთავრობო ორგანიზაციის, ‘’საქართველოს ვეტერანების ამერიკელი მეგობრების’’ დამფუძნებელმა და პრეზიდენტმა ნიკოლოზ ქარჩავამ საქართველოს პარლამენტის ვიცე-სპიკერ გიორგი ვოლსკის, აფხაზეთის ა/რ მთავრობის თავმჯდომარე რუსლან აბაშიძეს, თავმჯდომარის მოადგილე ანზორ მარგიანს, აფხაზეთის ა/რ იძულებით გადაადგილებულ პირთა მინისტრ დავით ფაცაციას, ვეტერანების საქმეთა სახელმწიფო სამსახურის დირექტორ კობა კობალაძეს ვეტერანების მიმართ გამოხატული განსაკუთრებული მხარდაჭერისა და თანადგომისთვის მადლობის სიგელები გადასცა.