27 თებერვალი, 2024
ოკუპირებულ აფხაზეთში ბავშვებში სუიციდური ტენდენციები გამოიკვეთა
დროებით ოკუპირებულ აფხაზეთში ბავშვების ფსიქიკური ჯანმრთელობის მდგომარეობის შემოწმება მიმდინარეობს.
ე.წ. ჯანდაცვის მინისტრს, ედუარდ ბუთბას შემოწმების პირველი ეტაპის შედეგები მოახსენეს.
ბავშვების გამოკვლევა 2023 წლის 21 ნოემბრიდან 2 დეკემბრის პერიოდში ჩაუტარდათ. ჯამურად, ინტერვიუ 69 ბავშვთან შედგა.
მთავარ პრობლემებს შორის გამოიკვეთა: განვითარების გადახრები, ქცევითი გადახრები, ემოციური გადახრები, სუიციდური ტენდენციები.
როგორც ფსიქიატრმა ოქსანა მელნიკოვამ თქვა, კვლევის შედეგებმა აჩვენა, რომ საჭიროა ბავშვთა სრულფასოვანი ფსიქიატრიული განყოფილების გახსნა.
