„აეროპორტის ფუნქციონირება გულისხმობს სამუშაოს ადგილების დიდ რაოდენობას სხვადასხვა მიმართულებით და სპეციალობით, როგორც მაღალი კვალიფიკაციის, ისე სამუშაო გამოცდილების არმქონე აპლიკანტებისთვის. ყველა მათგანი შემოწმდება, რათა დადგინდეს მათი ვარგისიანობა პოზიციისთვის. მოთხოვნების შესაბამისად, უზრუნველყოფილი იქნება დამატებითი განათლებისა და პრაქტიკული სწავლების მოპოვების, ასევე კვალიფიკაციის ამაღლების შესაძლებლობა ზოგიერთ პოზიციაზე“, - ნათქვამია განცხადებაში.

მანამდე ცნობილი გახდა, რომ სოხუმის აეროპორტის ტერიტორიაზე ინვესტორმა ძველი შენობების დემონტაჟი დაიწყო. უფრო ადრე, სოხუმში განაცხადეს, რომ ბაბუშარას აეროპორტმა ფრენები 2025 წლის 31 მარტისთვის უნდა განაახლოს, მას შემდეგ, რაც მისი რეაბილიტაცია დასრულდება.