საქართველოს ტექნიკურ უნივერსიტეტში აფხაზეთში სამშობლოს ერთიანობისთვის მებრძოლთა და დაღუპულთა ხსოვნისადმი მიძღვნილი ღონისძიება გაიმართა.

ღონისძიებაზე გაიხსენეს ადამიანები,რომლებმაც ქვეყნის ტერიტორიული მთლიანობისთვის ბრძოლას საკუთარი სიცოცხლე შესწირეს. მათ შორის საქართველოს პირველი ეროვნული გმირი, აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოს თავმჯდომარე ჟიული შარტავა. ის 1993 წლის 27 სექტემბერს, სოხუმის დაცემის დღეს, აფხაზეთის მთავრობის სხვა წევრებთან ერთად დახვრიტეს.

ისაუბრეს ისტორიული მეხსიერების შენარჩუნებისა და მომავალი თაობისთვის უახლესი ისტორიის გმირების სწორად გადაცემის მნიშვნელობაზე.

შეხვედრაზე დოკუმენტური ფილმის „რუხის შეხვედრების კვალდაკვალ“ ჩვენება გაიმართა.