ანაკლიაში აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთიდან დევნილ ახალგაზრდებს შეხვდა და თანამდებობაზე საქმიანობის ერთი წლის შედეგები შეაჯამა.

შეხვედრის ფარგლებში მან ისაუბრა გასული წლის განმავლობაში განხორციელებულ მნიშვნელოვან პროექტებსა და პროგრამებზე, მიღწეულ შედეგებსა და სამომავლო პრიორიტეტებზე. განსაკუთრებული ყურადღება გაამახვილა დევნილი მოსახლეობის მხარდაჭერის, მათი სოციალური მდგომარეობის გაუმჯობესებისა და საჭიროებებზე მორგებული ინიციატივების განხორციელების მნიშვნელობაზე.